ZABURI - SURA YA 136

¹ Mshukuruni Bwana kwa kuwa ni mwema; Kwa maana fadhili zake ni za milele. 
² Mshukuruni Mungu wa miungu; Kwa maana fadhili zake ni za milele. 
³ Mshukuruni Bwana wa mabwana; Kwa maana fadhili zake ni za milele. 
⁴ Yeye peke yake afanya maajabu makuu; Kwa maana fadhili zake ni za milele. 
⁵ Yeye aliyefanya mbingu kwa fahamu zake; Kwa maana fadhili zake ni za milele. 
⁶ Yeye aliyeitandaza nchi juu ya maji; Kwa maana fadhili zake ni za milele. 
⁷ Yeye aliyefanya mianga mikubwa; Kwa maana fadhili zake ni za milele. 
⁸ Jua litawale mchana; Kwa maana fadhili zake ni za milele. 
⁹ Mwezi na nyota zitawale usiku; Kwa maana fadhili zake ni za milele. 
¹⁰ Yeye aliyewapiga Wamisri kwa kuwaua wazaliwa wa kwanza wao; Kwa maana fadhili zake ni za milele. 
¹¹ Akawatoa Waisraeli katikati yao; Kwa maana fadhili zake ni za milele. 
¹² Kwa mkono hodari na mkono ulionyoshwa; Kwa maana fadhili zake ni za milele. 
¹³ Yeye aliyeigawa Bahari ya Shamu; Kwa maana fadhili zake ni za milele. 
¹⁴ Akawavusha Israeli katikati yake; Kwa maana fadhili zake ni za milele. 
¹⁵ Akamwangusha Farao na jeshi lake katika Bahari ya Shamu; Kwa maana fadhili zake ni za milele. 
¹⁶ Yeye aliyewaongoza watu wake jangwani; Kwa maana fadhili zake ni za milele. 
¹⁷ Yeye aliyewapiga wafalme wakuu; Kwa maana fadhili zake ni za milele. 
¹⁸ Akawaua wafalme mashuhuri; Kwa maana fadhili zake ni za milele. 
¹⁹ Sihoni, mfalme wa Waamori; Kwa maana fadhili zake ni za milele. 
²⁰ Na Ogu, mfalme wa Bashani; Kwa maana fadhili zake ni za milele. 
²¹ Akaitoa nchi yao iwe urithi; Kwa maana fadhili zake ni za milele. 
²² Urithi wa Israeli mtumishi wake; Kwa maana fadhili zake ni za milele. 
²³ Aliyetukumbuka katika unyonge wetu; Kwa maana fadhili zake ni za milele. 
²⁴ Akatuokoa na watesi wetu; Kwa maana fadhili zake ni za milele. 
²⁵ Kila chenye mwili akipa chakula chake; Kwa maana fadhili zake ni za milele. 
²⁶ Mshukuruni Mungu wa mbingu; Kwa maana fadhili zake ni za milele.