ZABURI - SURA YA 67

¹ Mungu na atufadhili na kutubariki, Na kutuangazia uso wake. 
² Njia yake ijulike duniani, Wokovu wake katikati ya mataifa yote. 
³ Watu na wakushukuru, Ee Mungu, Watu wote na wakushukuru. 
⁴ Mataifa na washangilie, Naam, waimbe kwa furaha, Maana kwa haki utawahukumu watu, Na kuwaongoza mataifa walioko duniani. 
⁵ Watu na wakushukuru, Ee Mungu, Watu wote na wakushukuru. 
⁶ Nchi imetoa mazao yake MUNGU, Mungu wetu, ametubariki. 
⁷ Mungu atatubariki sisi; Miisho yote ya dunia itamcha Yeye.